
第一世噶玛巴教言集1KM14བདེ་མཆོག་གི་སྦྱིན་སྲེག་རྒྱ་གཞུང་བཞུགས།
1-2-152b
༄༅། །བདེ་མཆོག་གི་སྦྱིན་སྲེག་རྒྱ་གཞུང་བཞུགས།
༄༅། །བདེ་མཆོག་གི་སྦྱིན་སྲེག་རྒྱ་གཞུང་བཞུགས། རྒྱ་གར་སྐད་དུ། ཧོ་མ་{བི་དྷི་}[*]བྷི་ཏི། བོད་སྐད་དུ། སྦྱིན་སྲེག་གི་ཆོ་ག །དཔལ་རྡོ་རྗེ་མཁའ་འགྲོ་ལ་ཕྱག་འཚལ་ལོ། སྦྱིན་སྲེག་བྱེད་པར་འདོད་ན། བསྙེན་པའི་གྲངས་བསྟན་པ་སྔོན་དུ་བསྙེན་པ་འབུམ་བྱས་ལ། དེ་ནས་ཐོག་མར་བསྙེན་པ་སྔོན་དུ་སོང་ནས། ཐབ་ཁུང་གི་ཚད་བཟླུམ་པོ་ཁྲུ་གང་བྱ། ཟབས་སུ་ཐུར་ལ་ཁྲུ་ཕྱེད་བྱ། བང་རིམ་སུམ་བརྩེགས་ཀྱི་ནང་དུ་པདྨ་འདབ་བརྒྱད་བྱ། མཚན་མ་དགོད་པ་ནི་དབུས་སུ་རྡོ་རྗེ་བྲི་བར་བྱ། ཁ་ཁྱེར་ནང་ལ་རྡོ་རྗེ་བཞི། སྟེང་མ་བར་མ་ལ་བརྒྱད། ཁ་ཁྱེར་ཐ་མ་གཉིས་ཀྱི་ཕྱི་མ་ལ་པདྨ་བཅུ་དྲུག་བྲིས་ལ། ཕྱི་ཞིབ་ལ་ནང་ཐམས་ཅད་ས་དཀར་གྱིས་བྱུག་བསྲེག་རྫས་རྫས་བསག་
1-2-153a
༄༅། །པར་བྱ་སྟེ། ཞི་བ་ལ་དང་པོ་འོ་མ་ཅན་གྱི་ཤིང་ཤིང་གཞན་ལས་གང་བསྒྲུབ་དང་འཐུན་པར་བརྩེགས་ལ། ཐབ་ཀྱི་དབུས་སུ་ཨ་ལས་བརྟེན་པ་ས་བོན་ཟླ་བ། ཀུ་ཤས་ཁ་བསྐང་ནས། གཡོན་དུ་མཆོད་པ་ལྔ་བཤམས་ཏེ༑ ཅི་འབྱོར་པའི་བསྲེག་རྫས་རྣམས་བསགས་ནས། རྒྱ་སྔགས་རྫས་རྣམས་སྐབས་འདིར་སྦྱོར། ཨོཾ་ཨགྣེ་ཡེ་མཱ་མ་ཤནྟིཾ་ཀུ་རུ་ཡེ་སྭཱ་ཧཱ། ཐབ་གཞལ་ཡས་ཁང་དུ་བྱིན་གྱིས་རླབས་ལ། ཧཱུྃ་ལས་མེ་ལྷ་ཞལ་གཅིག་ཕྱག་གཉིས་པ་བསྐྱེད་ལ། དེ་ལ་མེ་ལྷ་ཡེ་ཤེས་པ་དགུག ༑དབང་བསྐུར། གསུམ་བྱིན་གྱིས་བརླབས། པཱུ་ཛ་ལྔ་དང་བསྲེགས་བླུགས་ལྔ་འབུལ། མེ་ལྷའི་ཐུགས་ཀར་ལྷ་བསྐྱེད། ཀ་ལས་ཉི་མའི་དཀྱིལ་འཁོར་གྱི་སྟེང་དུ། ཧཱུྃ་སྤྲོ་བསྡུ་དང་བཅས་པ་ལས། སྒྲུབ་ཐབས་ནས་འབྱུང་བ་བཞིན་དུ། བཅོམ་ལྡན་འདས་ཞལ་གཅིག་ཕྱག་གཉིས་པ། ཌཱ་ཀི་མ། ལཱ་མ། དུམ་སྐྱེས་མ། གཟུགས་ཅན་མ་བསྐྱེད་ལ། ཡེ་ཤེས་སེམས་དཔའ་གཞུག་པ་དང་། ཨོཾ་ཨཱཿཧཱུྃ་ཡི་གེ་གསུམ་གྱིས་བྱིན་གྱིས་རླབས་པ་དང་། བཞི་པའི་ཡུམ་གྱིས་དབང་བསྐུར་བར་བསམས་ལ། ཨོཾ་ཧྲི་ཧ་ཧ་ཧཱུྃ་ཧཱུྃ་ཕཊ། མཱ་མ་ཤནྟིཾ་ཀུ་རུ་ཡེ་སྭཱ་ཧཱ། མར་གྱིའོ། །དེ་ནས་རྩ་སྔགས་ལ། བཛྲ་ཨགྣེ་ཡེ་སྭཱ་ཧཱ། ཡམ་ཤིང་གིའོ། །ཨོཾ་སརྦ་པཱ་པཾ་ད་ཧ་ན་བཛྲ་ཡ་སྭཱ་ཧཱ། ཏིལ་གྱིའོ། །སརྦ་བིགྷྣན་ཤ་ཏཱ་ཡ་སྭཱ་ཧཱ། ཉུངས་ཀར་རོ། །ཨོཾ་བཛྲ་ཨཱ་ཡུཿཥེ་སྭཱ་ཧཱ། དུར་བའོ། །ཨོཾ་བཛྲ་པ་ཏ་ཧ་ཏ་བཛྲ་ཡ་སྭཱ་ཧཱ། ཀུ་ཤའོ། །ཨོཾ་བཛྲ་པ་པ་ར་ད་ཤེ་སྭཱ་ཧཱ། ཞོ་ཡིའོ། །ཨོཾ་བཛྲ་པུཥྚ་ཡེ་སྭཱ་ཧཱ། ནས་ཀྱིའོ། །
1-2-153b
ཨོཾ་བཛྲ་བི་ཛཱ་ཡ་སྭཱ་ཧཱ། འབྲས་སོ་བའི་འོ། །ཨོཾ་བཛྲ་གྷསྨ་རི་ཡེ་སྭཱ་ཧཱ། གྲོ་ཡིའོ། །ཨོཾ་བཛྲ་མུ་ཏ་ཡེ་སྭཱ་ཧཱ། འབྲས་དུས་མ་ཡིའོ། །ཨོཾ་མཧཱ་བཱ་ལཱ་ཡ་སྭཱ་ཧཱ། སྲན་མའོ། །ཅི་འབྱོར་པའི་བསྲེག་རྫས་བསྲེག་པར་བྱའོ། །གྲངས་བསྟན་པ་ཉི་ཤུ་རྩ་གཅིག་གམ། ལྔ་བཅུ་རྩ་བཞིའམ། བརྒྱ་རྩ་བརྒྱད་དམ། སྟོང་ངམ། འབུམ་མམ། ཁྲི་ལ་སོགས་པ་བསྲེག་པར་བྱའོ། །དེ་ནས་དངོས་གྲུབ་དངོས་གྲུབ་ཞུ་བ་ནི་བླང་བར་བྱ་སྟེ། རྡོ་རྗེ་བསྒྲུབ་པ་པོའི་དྲུང་དུ་སེམས་དཔའ་ཉེ་བ་ཉིད་དུ་བྱོན། རྡོ་རྗེ་སེམས་དཔའ་རྗེས་སུ་བྱིན་གྱིས་བརླབས་པ་ལ་སོགས་པ་གནང་བར་མཛོད། རྡོ་རྗེ་སེམས་དཔའ་བདག་ལ་རྒྱུད་ལ་ཆོས་སྐྱེས་པ་ཐམས་ཅད་བརྟན་པར་མཛོད། །རྡོ་རྗེ་སེམས་དཔའ་བདག་ལ་འདི་དང་ཕྱི་མ་ཐམས་ཅད་དུ་སྐྱབས་སུ་གསོལ། རྡོ་རྗེ་སེམས་དཔའ་བདག་ལ་དུས་རྒྱུན་དུ་ཆགས་པར་མཛོད། རྡོ་རྗེ་སེམས་དཔའ་བདག་ནི་གསོལ་བར་མཛོད། །བདག་ཉིད་འདོད་པའི་དངོས་གྲུབ་གསོལ། །བདག་གི་ལས་རྣམས་ཐམས་ཅད་བསྲེག་པར་འགྱུར། །ཡི་གེ་ཧཱུྃ་གིས་སེམས་ཀྱི་དཔལ་དུ་མཛོད། །བཅོམ་ལྡན་ཧོཿཡིས་མཉེས་ཞིང་དགྱེས་པར་མཛོད། །བཅོམ་ལྡན་བདག་གིས་གྲོལ་བར་མཛོད། །དམ་ཚིག་སེམས་དཔའ་ཆེན་པོ་བདག་ལ་མཛོད་ཅིག །ཨོཾ་བཛྲ་སཏྭ་ཨཱཿ བཟོད་པར་གསོལ་བ་ནི། གང་ཡང་བདག་བློ་གཏི་མུག་པས། །ལེགས་བྱས་འདི་ལ་ཉེས་གྱུར་གང་། །གང་ཕྱིར་ལུས་ཅན་སྐྱབས་གྱུར་པས། །དེ་ཀུན་
1-2-154a
༄༅། །མགོན་པོས་བཟོད་པར་གསོལ། །ཡི་གེ་བརྒྱ་པ་བཟླས་ནས། ཁྱེད་ཀྱིས་སེམས་ཅན་དོན་ཀུན་མཛད། །ཅེས་སོགས་བཟླས་ནས་གཤེགས་སུ་གསོལ། མེ་ཐབ་མི་དམིགས་པར་བྱའོ། །བཛྲ་མུཿ ཞེས་དམ་ཚིག་སེམས་དཔའ་ལུས་ལ་གཞུག་གོ །དཔལ་འཁོར་ལོ་སྡོམ་པའི་སྦྱིན་སྲེག་གི་རིམ་པ། སློབ་དཔོན་ནཱ་རོ་པས་མཛད་རྫོགས་སོ།། །།


目录
བདེ་མཆོག་གི་སྦྱིན་སྲེག་རྒྱ་གཞུང་བཞུགས།